Îro Pêncşemê li hember dadgeha 2 ya Tawanan li Hewlêr paytexta Herêma Kurdistanê di preskonferansekê de Beşdar Hesen Serokê Tîma Parêzerên Girtiyên Badînan ragihand ku sizayê her yek ji çalakvan Mesûd Şengalî û Şêrwan Taha bo 2 salên zîndanê hat kêmkirin.
Ev di wî çaxî de ye ku çalakvan Mesûd Şengalî bi 3 sal û 6 mehên zîndanê hatbû darizandin, niha dê dema girtina wî bibe 2 sal.
Meha 11 Mijdara sala borî, li heman dadgeha 2 ya tawanan li Hewlêr, darizandina her yek ji çalakvan Mesûd şengalî, Şêrwan Taha, Bendewar Eyûb û Karke Ebbas pêkhatbû. Di wê rûniştinê de, dadgehê Mesûd Şengalî bi 3 sal û 6 mehan û Şêrwan Taha bi 2 sal û 6 mehan siza dabûn.
Ji hejî bîrxistinê ye, ku dosyeya girtiyên Badînan yên çalakvan û rojnamevan bertekên cûrbicûr bi xwe re anîn, pirranîya rêxsitinên navnetewî yên mafên mirov û parêzvanên azadiya ramanê û rojnamegeriyê nerazîbûn li hember sizayê wan çalakvanan nîşan dan û daxwaza demûdest ya berdan û azadkirina wan kirin.
Berpirsên Herêma Kurdistanê îdîa dikin ku kesên girtî û sizadayî plana têkdana ewlehiya herêmê hebû, lê girtiyan ew îdîayên desthilata herêma Kurdistanê her tim red kirine û dibêjin mesela girtina wan pirsek siyasî ye.
