Rêvebirê Giştî yê Rêxistina Saxlamîya Cîhanê (WHO), Tedros Adhanom Ghebreyesus, ku niha pêşbaziyek bi demê re heye jibo rizgarkirina kesên ku hîn jî li jêr avahîyên wêranbûyî li Sûrîyê û Tirkîyê dimînin.
"Her ku deqeyek yan demjimêrek derbaz dibe, derfetên derxistina kesên rizgarbûyî kêm dibe," wî got.
"Lerizînên berdewam, rewşa xirab ya zivistanê, ziyana ku gihiştiye rîyan û jêderên elektrîkê û peywendîyê dibin rêgir li hember hewildanên lêgerîn û rizgarkirinê," karbidestê WHO dîyar kir.
Ghebreyesus herwiha da zanîn ku tîmên WHO li ser asta navxweyî, herêmî û cîhanê xebatên xwe yên alîkarîyê li Tirkîyê û Sûrîyê di vê karesta mirovî de didomînin.
Cîgirê Serokê Tirkîyê Fuat Oktay îro Sêşemê ragihand ku di encama erdhejên wêranker de heta niha 3432 kes hatine kuştin, 20 hezar û 534 kes jî birîndar bûne.
Altun da zanîn ku Firîngeha Edene bûye navenda lojîstîkî ya hewilên hawarçûn û rizgarkirinê.
Rêvebirîya Rewşên Awarte û Felaketê ya Tirkîyê (AFAD) ragihand ku 5 hezar 775 avahî hilweşîne û ji wan re agahî hatine ku bi giştî 11 hezar û 302 avahî wêran bûne.
Serokê Tirkîyê Recep Tayyîp Erdogan îro Sêşemê got ku li herêmên bin bandora erdhej de rewşa awarte hatiye ragihandin.
Erdogan got ku li 10 bajarên ku erdhejên hêzdar çêbûne, sê meh rewşa tengavî hatiye ragihandin.
Wî da zanîn ku bi giştî 25 hezar û 693 xebatkarên AFAD'ê karê rizgarkirinê didomînin.
Parlamanterê Partîya Dad û Pêşvebirinê (AKP) yê Semsûrê Yakup Taş, ku piştî erdhejê di bin kavilan de mabû, jîyana xwe ji dest da.
Serokê parlamana Tirkîyê Mustafa Şentop mirina Taş li ser medya civakî ragihand.
“Ez bi xemgînî hîn bûm ku parlamanterê AK Partî Yakup Taş, ku di bin kavilan de mabû, jîyana xwe ji dest daye. Ez d ji vekîlê me re û ji hemî hemwelatîyên me ku di vê felakatê de mirine re dilovanîya xwedê dixwazim û ji malbatên wan re sebir û sersaxî dixwazim.”
Hêjayî balkişandinê ye ku bajarê Semsûr di erhejên hêzdar de zîyaneke pir mezin dîtiye û di medyata civakî de gilî û gazinc blind dibin ku heta niha alîkarî neçûye wî bajarî.