Di vê demê de ku girjî di navbera Îranê û Amerîka de bilind dibe, li Îraqê bi deh hezaran alîgirên grubên ku Îran piştgirîya wan dike, di roja salvegera kuştina generalê Îranî Qasim Silêmanî de derketin xwepêşandanan û sloganên dijî Amerîka hildan.
Serokê Hêzên Heşdaşaabî Faleh el-Feyyad û qumandarê Rêxistina Bedir Hadî el-Amirî, ku tevlî xwepêşandanan bûn, careke din banga derxistina hêzên Amerîkî ji Îraqê kir.
Amadebûn û rola grubên hevalbendên Îranê li Îraqê û serederîya hikûmeta Îraqê bi wan re çawa ye?
Serokwezîrê Îraqê Mistefa el-Kazimî çi bijar di vê derbarê de hene?
Derxistina hêzên Amerîkî ji Îraqê çiqas daxwazeke Îraqî ye û dê bandora wê li ser Îraqê çi be?
Rêvebirîya serokê Amerîka yê li ser çûyînê Donald Trump bi vê mijarê re çawa danûstandin kir û rêvebirîya serokê hilbijartî Joe Biden, ku di 20 vê mehê de desthilatê werdigire, pêşbîn e çi guhertinan di siyaseta Amerîka ya li Îraqê de bike?
Hawar Nêrweyî û Mehmûd Ebbas
Bernameya Hest û Helwest bi beşdarbûna du mêvanan ronî dide ser vê mijarê:
Dr. Hawar Nêrweyî, mamosteyê zanîngehê li Duhoka Herêma Kurdistana Îraqê û Dr. Mehmûd Ebbas, şîrovekarê siyasî li bajarê Houstonê wîlayeta Teksasê.
Jibo guhdarîkirina li bernameyê fayla deng vekin
Your browser doesn’t support HTML5
Hest û Helwest 1/5/2021