Serokê Amerîka Donald Trump şeva borî di twîteke xwe de hişyarî da Sûriyê, Rûsya û Îranê li dor êrîşkirina parêzgeha Idlibê ku di bin destê serhildêran de ye.
Trump got:
“Wê Rûsî û Îraniyan şaşiyeke mirovahî ya mezin bikin, eger tevlî vê trajedîya mirovahî bibin. Reng e bi sed hezaran xelk bên kuştin. Nehêlin ev yek bibe.”
Wezîrê derve yê Îranê jî doh Duşemê got pêwîst e Idilb ji terorîstan bê paqijkirin û tevahiya bakurê rojavayê Sûriyê vegere bin kontrola hikûmetê.
Roja Înê Tehran mêvandariya kombûneke sêqolî di navbera serokên Îran, Rûsya û Tirkiyê de dike jibo gotûbêjkirina rewşa Sûriyê.
Ev operasyon çiqas nêzîk e û çiqas pêşbîn e ku bi wî awayê berfereh pêk were?
Xemên Amerîka û welatên rojava li dor metirsiya vî şerî li ser jiyana sivîlan ta çi astê rijdî ne?
Îran, Tirkiyê û Rûsya ta kîjan radeyê li dor vê operasyonê lihev kirine?
Bernameya Hest û Hewest bi beşdarbûna du mêvanan vê babetê şîrove dike:
Kadar Pîrê, rêvebirê rêxistina Kurd bê Sînor ji Fransa û Mehmûd Biro, şîrovekarê siyasî ji Nerwîc.
Jibo guhdarîkirina li bernameyê fayla deng vekin:
Your browser doesn’t support HTML5
Hest û Helwest