Di van du hefteyên borî de Fransa rastî sê êrîşan hat, piştî ku mamosteyekî hin wêneyeyên karîkatorî yên pêxemberê misilmanan Muhemed nîşanî xwendevanên xwe dan û ew mamoste ji alî êrîşkerekî ve hate serjêkirin .
Hin wezîran huşdarî daye ku renge hin êrîşên din ên çekdar li welêt bibin.
Serokê Frensa Emmanuel Macron bi hezaran serbaz li bajaran belav kirin, ji bo parastina cihên giştî û dibistanan.
Kadar Pîrê, rêvebirê rêxistina Kurd bê Sînor, di hevpeyvînekê de li gel Dengê Amerîka ev êrîşên ku li Frensa dibin, nirxandin.
Wî got ku ev ne cara yekem e êrîşên wiha dibin û xelkê Frensa hemî wan şermezar dike.
Pîrê ku li Frensa dimîne got:
“Ji berê de gotûbêjek li Frensa heye ku divê Frensa li dijî ramanên tund raswete. Macron berî şeş mehan pêwîstîya rawestana li dijî van bîr û boçûnên tudrew anî ziman. Mizgeftek li Parîsê hat girtin, ku tê naskirin wê gelek kes şandina Sûriyê û Îraqê ji bo alîkariya Daişê.”
Pîrê nîşan da ku êrîşên dawî ew bi awayekî rasterast girêdayî bîr û hizrên îslamiyên tund in.
Ji bo guhdarîkirina li hevpeyvînê fayla deng veke
Your browser doesn’t support HTML5
Hevpeyvîna li gel Kadar Pîrê