Hikûmeta Sûriyê dibêje ew amadeye tevlî guftûgoyan bibe li gel opozisyonê bi piştgiriya Neteweyên Yekgirtî dawiya vê mehê li Ginêvê, bê merc û bê destêwerdana derve.
Ev yek hat piştî axaftinên di navbera cîgirê şandê Neteweyên Yekgirtî û cîgirê wezîrê derve yê Sûrî doh yekşemê li Dîmeşqa paytext.
Endamê mekteba siyasî ya Partiya Demuqrata Kurdistan-Sûriyê (PDK-S) Mistefa Juma, di hevpeyvînekê de li gel Dengê Amerîka ev babet şîrove kir û got:
“Hêzên rêjîma Sûriyê dixwestin bajarê Helebê kontrol bikin, lê rewş li gor daxwaza wan nebû û hêzên opozisyonên van demên dawî hin pêşketin bidest xistin, loma wan ev daxuyanî derxist û xwestin bê merc tevlî guftûgoyan bin.“
Juma ku li welatê Nerwîc dimîne bal kişand ser asoyên çareserkirina rewşa Sûrî û diyar kir ku ew girêdayî ye bi pirojeyeke mezintir li herêma rojhilata navîn.
Ji bo guhdarîkirina li hevpeyvînê faylê deng veke
Your browser doesn’t support HTML5
Mustafa Juma 08_01_16