Serokê Sûriyê Beşar el-Esed îro çarşemê di pêwendiyeke telefonî de li gel serokê Rûsya Vladimir Putin, got ew amadene alîkar bin di cîbecîkirina agirbestê de ku biryar e roja şemiyê destpêbike.
Desteya opozisyonê ya bilind a guftûgoyan beşdarbûna xwe girêda bi derbaskirina alîkariyên mirovahî bo navçeyên dorpêçkirî û rawesta êrîşên esmanî yên Rûsya li ser sivîlan.
Endamê mekteba siyasî ya Partiya Demoqrata Kurdistan-Sûriyê (PDK-S) Mistefa Juma, ji Dengê Amerîka re ronî da ser vê babetê û got:
“Ev herdû mercên Desteyê pir girîngin, bêyî wan wek derew li vê babetê tê nerîn.“
Juma ku li Nerwîj dimîne, bal kişand ser helwesta Amerîka di vê derbarê de û diyar kir ku rewşa Sûriyê tevliheve ta radeyekê ku Amerîka îdî nikare tiştekî berbiçav li ser erdê bike.
Ji bo guhdarîkirina li hevpeyvînê faylê deng veke
Your browser doesn’t support HTML5
Mistefa Cum'a SW 02_24_16