Partiya Yekîtiya Demuqrat(PYD) kongreya xwe yê şeşem li bajarê Rimêlan li darxist û gelek şandên partiyên Kurdistanî lê amade bûn. Di nav de jî şandê Partiya Demuqrata Kurdistan (PDK) ku di navbera wê û PYD de nakokiyên siyasî hene.
Endamê mekteba siyasî ya Partiya Demuqrata Kurdistan-Sûriyê(PDK-S) rêzdar Mihemed Îsmaîl di hevpeyvînekê de li gel Dengê Amerîka, ronî da ser vê kongreyê û got:
“PDK wek desthelatekê berjewendiyên wê hene di vê amade bûnê de, lê ew ne razi ye li dor siyasetên PYD li Sûriyê.“
Îsmaîl ku li Qamîşlo dimîne, ragihand ku çi girêdandi navbera amadebûna şandê PDK li kongreya PYD û kombûna di navbera serokê herêma Kurdistanê Mesûd Barzanî û hevserokê PYD Salih Mislim de nîne.
Ji bo guhdarîkirina li hevpeyvînê faylê deng veke.
Your browser doesn’t support HTML5
Mihemed Îsmaîl SW 09_20_15