Partîya Vatan jibo nav û sembolên Şêx Seîd û Seyît Riza ji meydanan werin rakirin, serî li walîtîya Amed û Dêrsîmê da.
Li Amedê navê Meydana Derîyê Çîyê bi biryara Şaredarîya Mezin wek Meydana Şêx Seîd hatibû guhertin û li Dêrsîmê jî Meydana Kişlayê peykerê Seyîd Riza hatibû danîn.
Serokê Partîya Vatanê Dogu Perînçek di hevpeyvînekê de got ku "Şêx Seîd û Seyît Riza li hember Komara Tirkîye çek hildane loma ferqa wan ji FETO û PKK tuneye."
Kasim Firat, nevîyê Şêx Seîd û Rêvebirê Komela Şêx Seîd ji Dengê Amerîka re got ku hewilên Partîya Vatan kiryarên bê edeb in û Perînçek bi vî awayî dixwaze peyaman bide hin alîyan.
Komela Şêx Seîd, jibo eşkerekirina gora Şêx Seîd û 46 hevalên wî, berî mehekê bi beşdarîya çend rêxistinên sivîl yên li Amedê komîsyoneke hiqûqê damezrandibû.
Kerem kin agahîyên zêdetir li ser fayla deng guhdar bikin.
