Dema ku jinên di şaredariyên DEM Partî de jibo 25ê Mijdarê Roja Navnetewî ya berhingariya li dijî Tundûtîjya li dijî Jinê dikin, hat ragihandin ku di nav deh mehên dawîn de li Tirkîye 357 jin hatin kuştin. DEM Partî li hember tundiya li dij jinan çalakiyan çê dike.
Pêşengeha Gurme, Xwarin û Tamên Mezopotamya li Amedê destpê kir û wê heta dawîya hefteyê bidome. Ji çar alîyê Tirkîyê, 170 kompanî beşdar dibin û bi sedan cure xwarin û tamên heremî ji firotinê re amade bûne. Amed jî bi şîv û şîranîyên wek penêrê kezî, qedayîf û gelek cûre xwarinên cihê beşdar dibe.
Dema desthilatî di hilbjartinan de bi rê û rêbazên demokratîk nikare bi ser bikeve, îca radibe bi qayuman dest dirêjîya îradeya gel dike.,’ Hevşaredara Amedê Serra Bucak di civînên gel de qayuman de got. Piştî Mêrdîn, Batman û Xelfetî gefa qayuman li ser hemî bajarvanîyên DEM Partî didome.
Nivîskar û wergêrê Kurd Perwîz Cîhanî dest bi wergera Şahnameya Fîrdewsî kiriye û dibêje wî pêncyeka wê temam kirîye. Cîhanî berê, Xusro û Şîrîn, û Leyla û Mecnûn ên Nîzamî ji Farisî wergerandine Kurdî.
Di xwepêşandanên DEM Partî yên Şermezar Kirina Danîna Qayûman de li 47 bajaran herî kêm 235 Kes Hatine desteserkirin.
Doza kuştina Narîn Guran ya zarok ku roja pêşemê destpêkir û sê roj dewam kir, çar gumanbarên sereke li dadgehê amade bûn ku bi cezayê giran yê heta hetayê tên dadgehkirin.
Hikûmeta Tirkîyê cara sisêyan qayum danî ser sê bajarvanîyên DEM Partî. Yek ji wan Mêrdîn e ku bajarvan Ahmet Turk jî cara sêyan ji karê xwe tê dûrxistin. Îro Sêşemê DEM Partî civîna gruba xwe ya li parlamenê, li pêş şaredarîya Mêrdînê li dar xist û gel jî nerazîbûna xwe li dijî qayuman bilind kir
Roja Şemiyê li bajarê Amedê, Navenda Lêkolînên Civakî ya Dîcleyê (DİTAM)ê Li ser Pirsgirêka Kurd kombûnek lidarxist û bi sê rûniştinên cuda bersiva pirsên çareserî û astengiyên li hember pirsa Kurd li Tirkiyê gotûbêj kirin.
Helbestvanê navdar Arjen Arî 12 sal berê jiber nexweşîna pençeşêrê koça dawî kir. Di salvegera mirina wî de malbat û heval û hezkirîyên wî bi danîna qurnefîlan ser gora wî ew bi bîr anî. Arî yek ji endamên nifşa Kovara Tîrêj e û ku ew navbera helbesta klasîk ya Kurdî û ya modern wek pirekê tê dîtin
Pişti şeş salan navbera malbata Şenyaşar û Yildiz aştî çêbû û roja Yekşemê li Ruhayê her du malbat li hev anîn û şîva aştîyê dan. Lê, Emîne Şenyaşar ku bi çalakîya Edaletê deng da, beşdarî bernama lihevhatinê nebû.
Li bajarê Amedê Hunermend Bestamî Eyî, kelûpelên avêtî berhev dike û berhemên hunerî yên ciwan diafirîne. Wî di van demên dawî bi wan kelûpelan pêşengehek li dar xist. Ew dixwaze bandora xerab ya mirovan a li ser jîngehê nîşan bide.
Piştî çalakîya rûniştinê ya edaletê ya Emîne Şenyaşar, kurê wê Fadil di 18'ê mehê de azad bû. Hevjîn û du kurên Emîne Şenyaşar ji alîyê birayê parlamanterê AKP'ê li Sirûcê hatibûn kuştin. Malbata Şenyaşar şîna xwe piştî şeş salan, bi azadbûna Fadil li dar xist.
Serokê CHP, li Amedê serdan Hevşaredarên Bajarê Mezin yên Amedê kir. Serra Bucak tabloyek Mem û Zînê û Dıgan Hatûn pirtûka çîrokan a Kurdî dîyarîyê Ozgur Ozel kirin. Jiber êrîşa terorî ya li Enqerê Ozgur Ozel bernama şeş bajarên Kurdan betal kir û vegerîya Enqerê.
Di rojên ku Serokê MHP Devlet Bahçelî behsa çekdanîna PKK dike û nîqaşên nû li ser çareserîya pirsgirêka Kurd destpêkirîye, Serokê CHP Ozgur Ozel, serdana şeş bajarên Kurdan dike. Ozel li Amedê du roj dimîne û jibo pirsa Kurd peyam3en girîng dide. Lê gelo kolanên Amedê li ser geşdenan çi difikire?
Helbestvanê mezin Cegerxwîn, di 40'emîn salvegera mirina wî de li Amedê hate bîranîn. Di bernameyê de helbestên wî hatin wendin, stranên ji helbestê wî hatin pêşkêşkirin û di wêje û hunera Kurdî de rola wî hate nîrxandin.
Cenazeyê Xwendkara ji Amedê Rojîn Kabaîş, 15'ê mehê de di Behra Wanê de mirî hate dîtin. Sedemên mirina wê hin eşkere nebûne. Malbata Rojîn bawer dike ku keça wan hatîye kuştin. Rojîn di 27'ê îlonê de li kampusa zanînegha Wanê wunda bû. Baroya Amedê jî daxuyakirin ku dê doza mirina Rojînê bişopînin.
4 rojnamevanên jin ku di xwepeşandana DEM Partî de dema dîmena desteserkirina çalakvanan girtin, rastê tundîya polîsan hatin. Rojnamevan serî li Komela Mafê Mirovan dan û gilîya polîsan kirin û 8 dezgehên ragihandinê jî êrîşa li ser rojnamevanan şermezar kir
Komela Jinên Hunermend KASED li bajarê Amedê berî çend rojan nîşandaneke cilûbergên Kurdî li dar xist û tê de şanoger, rojnamevan, mamoste, û xwendekaran cilûbergên bêhtirî 10 herêmên Kurdî nîşan dan.
Pirtir bar ke
