Fedralîzma Bakurê Sûriyê amadekariyên xwe dike ji bo qonaxa duyem a hilbijartinên encûmenên xwecihî ku, dê roja Înê bêne lidarxistin.
Rojnamevan Stêrê Çello di hevpeyvînekê de li gel Dengê Amerîka ronî da ser amadekariyên hilbijartinan û got:
“Li hersê herêmên Fedralîzma Bakurê Sûriyê amadekarî dibin ji bo van hilbijartina û piştî ew bi serî bibin wê kongirek çêbe bi navê Kongira Gelan a Demukratîk.”
Çello ku, li bajarê Kobaniyê dimîne, bal kişand ser rewabûna van hilbijartinan, di demekê de ku, jimareka mezin a xelkê van herêman koçber bûne. Wî got, ev hilbijartin rewabûna xwe ji rûniştvanên niha yên van herêman distîne.
Ji bo guhdarîkirina li hevpeyvînê fayla deng veke
