Wezîrê navxweyî yê Tirkiyê Sulêman Soylu doh Duşemê got hêzên wan li benda dema guncaw in da operasyonekê li çiyayên Qendîlê destpê bikin, ku endamên radebilind ên Partiya Karkerên Kurdistan PKK lê dimînin.
Soylu ji Ajansa Anadol re got Qendîl êdî ne armanceka dûre û niha gelek bingehên PKK hatine dorpêçkirin.
Cîgirê serokwezîrê Tirkiyê Bekir Bozdag ji aliyê xwe ve got,”herkes dizane ku Qendîl navenda terorê ye û Tirkiyê di her demekê de renge derbasî Qendîlê be.”
Tirkiyê ta kîjan astê rijd e opersyoneka berfeh dijî PKK birêve bibe û derbasî Qendîlê be?
Derbasbûna Qendîlê çi bandorê dide ser pêwendiyên Tirkiyê û Îraqê?
Çi bijar di destê hikûmeta Herêma Kurdistana Îraqê de hene di vê derbarê de?
Bernameya Hest û Helwest bi beşdarbûna du mêvanan ronî dide ser vê babetê:
Hawar Nêrweyî, profesorê biwarê rojhilata navîn ku li herêma Kurdistana Îraqê dimîne û Fuad Unen, şîrovekarê siyasî ku li Tirkiyê dimîne.
Ji bo guhdarîkirina li bernameyê fayla deng veke
