Ev bû demeke ku partiyên rêveberiya xweser a Kurdên Sûriyê li Bakur û Rojhilatê Sûriyê û encûmena Niştimanî ya Kurdî (ENK-S) tevlî diyalogekê bûne ku armanca wê pêkanîna rêkeftinê ye, bi çavdêriya Amerîka û alîkariya serkirdayetiya Herêma Kurdistana Îraqê.
Qonaxa Yekem ji axaftinan bi awayekî serkeftî bi dawî hat, li gor herdu aliyan û ew derbasî qonaxa duyem bûn. Lê di destpêka qonaxa duyem de hin daxuyanî û helwestên nakok hatin ragihandin li dor beşdarkirina hin aliyên din ên Kurdên Sûriyê.
Bend û nakokiyên di navbera herdu aliyan de çine û çiqas mezin in?
Pêkanîna rêkeftineke berferh û bingehîn ta çi radeyê mumkine?
Çiqas girîng e Kurdên Sûriyê vê rekeftinê pêk bînin û ew çawa dikare bibe nimûne ji bo rêkeftineke giştî ji bo tevahiya aliyên Sûrî û destpêka çareseriyekê ji bo kirîza Sûriyê?
Bernameya Hest û Helwest ev pirs û hin pirsên din ên girêdayî bi du mêvanan re gotûbêj kir:
Fethella Huseynî, endamê niwêneratiya Rêveberiya Xweser a Kurdên Sûriyê li Herêma Kurdistana Îraqê ku li bajarê Sulêmaniyê dimîne û Farûq Hecî Mustafa, rêvebirê dezhega Berçav ji bo bo Medya û Azadiyan ku li bajarê Kobaniyê dimîne.
Ji bo guhdarîkirina li diêrjiya bernameyê fayla deng veke
