Semîre Elî Mendî hêşta xwendekar bû li dawîya salên 1980an dest bi karê rojnamevanîyê kir li Radyoya Baxdayê - Pişka Kurdî û li destpêka salên 1990an li tilifizyona Kurdistan karê pirofêşnalê ragihandinê kir. Piştî li Elmanîye akincî bûy, Semîre xan li Radyoya Berlîna Azad kar kir û di pêre ji bo Pişka Kurdî ya Dengê Amerîka weka peyamnêr û rojnamevan. Berî ew li Radyoya Îraqa Azad li Pirag, paytextê komara Çek bi zimanê Erebî dest bi karî biket, ew nivîskar û endam bû di Navenda Kurdî bo Vekolînan de li Berlînê.
Semîre Elî Mendî gote Bernama Ferheng û Torê Kurdî, Ez pitir hej babetên sîyasî dikim û hewl didem alîsengekê dinêv bera karê rojnamevanîyê û karê male de dirust bikim.
Jibo guhdarîkirina Bernama Ferheng û Torê Kurdî û hevpeyvîna Dexîlê Şemo di gel Semîre Elî Mendî, lînka ‘Guhdarî kirin’ li rexê rastê vê perê kilik bike.
