Ji dema ku Amerîka biyara vekişîna ji Sûriyê dayî ve, Hêzên Sûriya Demukrat (HSD) û Meclîsa Sûriya Demukrat (MSD) hewil didine xwe bigihînin bêhtirî aliyekî xwecihî, herêmî û navnetewî ji bo parastina herêmên xwe ji êrîşa plankirî ya Tirkiyê.
MSDê ji bo diyaloga li gel Dîmeşqê, pêwendî bi Rûsya re kirine û ji rêjîmê Esed xwestibû ku sînorê Sûriyê ji êrîşên Tirkiyê biparêze.
MSDê her wiha bi xem e li dor avakirina herêmeke aram li Bakur û Rojhilatê Sûriyê ku Tirkiyê plan dike çavdêriya wê bike.
Amerîka bal kişandibû ser wê herêma aram lê bi berferehî hîn behsa wê nekiriyê.
Seroka Desteya Rêvebir a MSDê Îlham Ehmed bû çend rojin li Waşintonê ye û hewil dide xemên xwe di vê derbarê de bigihîne berpirsên Amerîkî.
Bernameya Hest û Helwest vê mijarê li gel Îlham Ehmed gotûbêj dike.
Ji bo gohdarîkirina li bernameyê fayla deng veke
