Piştî derbasbûna deh salan li ser kirîza Sûrîyê, xelkê wî welatî hîn jî buhayê herî giran didine.
Ta niha, bi sedan hezar kes hatine kuştin, zindankirin, revandin û êşkencekirin û Sûrîyê maye krîza penaberan ya herî mezin li cîhanê, li gor Neteweyên Yekbûyî.
Amarên dawî diyar dikin ku bêhtirî 5.5 milyon Sûrî li welatên Tirkîyê, Îraq, Lubnan, Urdun û Misirê penaber in û 6.7 milyon li nava welêt derbider in. Behtirî 60% ji wan jin û zarok in.
Li dirêjîya van salan, gelek hêz û welatên herêmê û cîhanê destên xwe xistin nava Sûrîyê û gelek proje û planên çareserkirinê hatin pêşkêşkirin, lê ta roja îro tiştekî berbiçav nehatîye qezenckirin.
Çi bi serê xelkê Sûrîyê hat û berê vî şerî li ku ye?
Çima ewqas hewildanên navxweyî, herêmî û navnetewî yên dîtina çereserîyekê bi ser neketin?
Kilîta çareserîya rewşa Sûrîyê di destê kê de ye?
Neteweyên Yekbûyî çi kir û dikare çi bike?
Bernameya Hest û Helwest bi beşdarbûna du mêvanan ronî dide ser van pirsan û hin pirsên din ên girêdayî vê mijarê:
Nivîskar Salih Jafer ku li Holenda dimîne û Dr. Azad Elî, lêkoler û sernivîserê kovara el-Hîwar ku li Qamişlo dimîne.
Ji bo guhdarîkirina li bernameyê fayla deng veke
