Partîya Tevgera Netewperwer (MHP) di 26'ê Îlonê de pêşnîyara efûyek da parlamanê ku 163 hezar girtî ji girtîgehan werin berdan.
Li gorê pêşnîyara qanûnê, pênc sal ji cezayên girtîyan tên kêm kirin.
Girtîyên ku jiber sûcên kuştina bi mebest, yên ku destdirêjîya li jin û zarokan kirine, sûcên terorê, sûcên li dijî ewlehîya dewletê, sûcên li dijî Mustafa Kemal Ataturk li derveyê pêşnîyarê tên hîştin.
Serokomarê Tirkîyê Erdogan dibêje ku ne erka dewletê ye ku sûcên li dijî kesan hatine kirin, efû bike.
Parêzer Sahabattîn Korkmaz dibêje ku divê qanûnek jibo hemî girtîyan were derxistin.
"Ez bawer nakim efû derkeve, lê îhtîmal heye ku di qanûna înfazê de guhertin were çêkirin."
