Berdevka Partîya Demokratîk a Gelan (HDP) Ebru Gunay gotara heftane li Amedê li dar xist.
Gunay behsa serdana Serokê Herêma Kurdîstana Îraqê Nêçîrvan Barzanî kir û got ku wan seredana ji nêzve şopandiye.
''Partîya me piştgirîya pêşxistina peywendîyan û xurtkirina kanalên dîplomatîk e. Lê, em wek erka xwe dibînin ku hişyarî bidin rêvebirîya Herêma Kurdîstanê ku xwe neke amûrên polîtîkayên ku dixwazin li Başûr û Rojava peywendîya di nav Kurdan de têk bibe.''
Gunay got ku ew li hêvîyê ne ku rêvebirîya Herema Kurdistanê di peywendîyên dîplomatîk de li cem çareserîyê be û dijî helwestên ku dixwazin yekîtîya Kurdan têk bibin, derkevin.
‘’Me berê jî pir caran gotibû ku rêvebirîya Herêma Kurdîstanê jibo çareserkirina pirsgirêka Kurd dikare roleke mezin ya dîrokî bilîze û dikare yekîtîya nav Kurdan xurt bike.’'
Hun dikarin agahîyên zêdetir li ser fayla deng guhdar bikin.
