Hejmara Miriyên Erdhejên Tirkiyê Û Sûriyê Gihişt Zêdetirî 16,380 Kesan
Karbidestên Tirkiyê dibêjin, hejmara kuştîyên erdheja Duşemba derbazbûyî 6ê Sibatê gihîştiye 12,873 û nêzîkî 63,000 birîndar bûne.
Bi vî awayî li Tirkiye û Sûriyê hejmara miriyan gihişte 16,381 kesan.
Saziya Rêvebiriya Felaket û Hewarçûnê ya Tirkiyê (AFAD) ragihand ku ji dema erdheja mezin ya di pileya 7,7 da, serê sibeya roja Duşemba borî 6ê Sibatê prûdayî heta îro Pêncşemê 1117 erdhejên din rû dane.
Di erdhejên li Sûrîye û Tirkîyê de heta 17,500 kes canên xwe ji dest dane ku 14,351 ji wan ji Tirkîyê û herî hindik 3,162 jî ji Sûrîyê ne.
Cîgirê Serokê Tirkîyê Fuat Oktay ragihand ku li Tirkîyê hejmara qurbanîyan giheştiye 14,351’an û ya birîndaran jî 63,794 e.
Karbidestên Tirkîyê dibêjin ku piştî erdheja yekê bi giştî 1,117 lerizînên dûhatî çêbûne û 6,444 avahî hilweşîne.
Karbidestan herwiha ragihand ku li bajarê Ruha karên rizgarkirina kesên ji bin kavilan bi dawî hatiye.
Parlamana Tirkîyê pêşnîyara ragihandina Rewşa Awarte ya li 10 bajarên bin bandora erdeja hêzdar pejirand.
Piştî dengdana îro ya di Civata Giştî ya parlamanê de, li bajarên Entab, Semsûr, Ruha, Amed, Mereş, Melêtî, Kîlîs, Edene, Osmanîye û Hatayê, jibo sê mehan Rewşa Awarte hate ragihandin.
