Balyozxaneya Amerîka li Dîmeşqa payetxa Sûrîyê berî çend rojan daxuyanîyeke kurt bi zimanên Înglizî, Kurdî û Erebî li ser rûpela xwe ya Facebookê belav kir û tê de behsa diyaloga Kurdên Sûrîyê kir.
Wê got:
“Amerîka piştgirîya diyaloga berdewam a Kurdî- Kurdî dike û li bendê ye ku pêşketin tê de bibin.”
Amerîka dibîne ev guftûgo piştgirî û temamkirina proseya siyasî ya berferhtir e, ji bo siberojeke ronîtir a Sûrîyê li gor biryara Civata Ewlekarîya Neteweyên Yekgirtî ya hejmar 2254.
Di demekê de ku hewlên siyasî yên Amerîka û civaka navnetewî ji bo çareserîyeke giştî ya Sûrî hîn jî bi ser neketine, diyaloga Kurdî-Kurdî dikare çi pêşketinan qezenc bike?
Serkeftina guftûgoyên di navbera Kurdên Sûrîyê de çiqas mimkun û nêzîk e?
Amerîka di vê derbarê de çiqas rijd e û rêkeftina wan a çaverêkirî çawa dikare bibe bingeh jibo rêkeftineke berferhtir a Sûrî?
Bernameya Hest û helwest bi beşdarbûna sê mêvanan ronî dide ser vê mijarê:
Xebat Şakir, nûnerê Partîya Yekîtîya Demokratîk (PYD) li Almanya, parêzer Hisên Dawî ku li Amerîka li wîlayeta Virginia dimîne û Mislim Şêx Hesen, endamên mekteba sîyasî ya Partîya Yekîtîya Demokrat a Kurdî li Sûrîyê ku li Kobanîyê dimîne.
Ji bo guhdarîkirina li bernameyê fayla deng veke
