3’yê Gulanê Roja Azadîya Ragihandinê ya Cîhanê ye. Rêxistinên rojnamegerî dibêjin ku Tirkîye jibo rojnamevanan ne welatek azad e û balê dikşînin ser hejmara zêde ya rojnamevanên girtî.
Li gor Sendîkaya Rojnmavanên Tirkîye (TGS) 142 rojnamevan li Tirkîyê girtî ne.
Cemîyeta Rojnamegerên Azad dibêje ev hejmar 162 ye.
Platforma Rojnamevanên Jin yên Mezopotamya li Amedê ragihand ku di nav 162 rojnamevanên girtî de 14 jin hene.
Platformê herwiha destnîşan kir ku niha li girtîgehan 12 rojnamegerên Kurd di çalakîya birçîmayinê de ne.
Pltform dîyar dike ku rojnamevan Kibrîye Evren ya edîtora ajansa JİNHA 139, Gulistan Îke 138 roj in di vê çalakîyê de ne û Dilbirîn Turgut jî di 15’ê Kanunê de dest bi vê çalakîyê kir.
Reyhan Hacioglu, Ozlem Seyhan, Nedim Turfent, Ugur Akgul, Zîya Ataman, Abdulkadîr Turay, Çetin Kurşun, Îdrîs Yilmaz, Îdrîs Sayilgan ji 1’ê Adarê û Mehmet Guleş jî ji 5’ê Adarê vir de di çalakîya birçîmayinê de ne.
