Di 6 rojên borî de êrîşên Tirkîyê li ser herêmên Kurdan li bakurê Sûrîyê taybetî binesazîya xwecîhî kirine armanc û hejmareke mezin ji kargehên gaz û petrolê hatin rûxandin û jêderên elektirîkê ji kar ketin.
Kargehên petrolê li gundê Şelhûmîye yê Tirbespîyê, ku kargeheke serekî ya jibo komkirin û paqijkirina petrolê li herêmê rastî bombebaranê hatin û şewateke mezin derket ku dûmana wê 20 km ji dûr ve dihat dîtin. Di dema êrîşa Tirkîyê de hin xebatkarên kargehê li ser kar bûn û bûn şahidên êrîşa dronî. Yek ji wan xebatkaran, Dîyar Ferho li ser wê êrîşê agahî dide xwendevanên me.
