Gruba terorîst Daiş bangê li alîgirên xwe dike ku di meha remezanê de êrîşan li Amerîka, Rûsya Australia û Ewrupa pêk bînin.
Peyvdarê Daiş Ebû el-Hesen el-Muhajêr doh duşemê di axaftinekê de, ku li ser internet hatibû belav kirin, ev yek ragihand, pesna êrîşên hefteya borî li Îranê da û bang li êrîşên bêhtir kir.
Daiş di Remezanên berê de jî banga êrîşan kir û îsal wan berpirsiyariya xwe ragihand li dor êrîşên Brêtanya, Misir, Îran û Filipînê ku di encamê de bi dehan kes hatin kuştin û bisedan birîndar bûn.
Ev bangên wiha ta kîjan astê tên bihîstin ji aliyê misilmanên van welatan ve?
Desthilatdarên van welatan çiqas agahdarin li dor van cûre êrîşan û dikarin çi bikin ji bo nehêştina wan?
Gelo ev bang nîşana dawiya Daişê ye li herêmê, an destpêka şerekî nû ye li seranserî cîhanê?
Bernameya Hest û Helwest, van pirsan li gel du mêvanan gotûbêj dike:
Parêzer Imran Mensûr ku li Frensa dimîne û Ciwan Yûsif, çalakvanê biwarê mafê mirov ku li Swîsra dimîne.
Ji bo guhdarîkirina li bernameyê faylê deng veke
