Donald Trump bû 45emîn Serokê Amerîkayê. Tê meraq kirin ku siyaseta dema Trump ya li Amerikayê dê çawa be. Bi taybetî politikaya Sûrî dê çawa bê meşandin û piştevaniya Amerîka dê jibo hêzên Kurdan dê bidome yan na?
Nazmî Gur, parlamenterê berê yê BDPê û endamê komita karên derve yên HDPê jibo Dengê Amerîka çavderiyên xwe parvekirin.
Birêz Gur got "Bi hilbijartina Trump hem li Rojhelata Navîn hem li cîhanê siyaseteka nû dê bê meşandin. Hêviya Tirkiyê jî ewe ku siyaseta Tirkiyê ya li Sûrî ji aliye rêveberiya Trump bê erê kirin."
"Hêviya me ewe siyaseta Trump li hember Kurdan neye guhertin jiber ku Kurd hêzên demokratik in li Suriyê."
Birêz Gur da xuyakirin siyaseta 100 rojên pêşî yên Trump gelek muhîm e.
Herwiha destnîşan kir armanca operasyona Tirkiyê ya li Sûrî li hember statuya Kurdan e.
"Tenê Donald Trump dikare armanca Tirkiyê ya li dijî Kurdan vala derxîne."
ji bo guhdarîkirina li hevpeyvînê faylê deng veke
