Serokê Sûriyê Beşar Esed îro di hevpeyvînekê de li gel tilfizyoneke Japonî dibêje mebest ji guftûgoyên pêşbîn ên Astana paytexta Kazaxistanê ewe ku gurûpên opzisyonê çeken xwe deynin û lêborînê ji hikûmetê wergirin.
Endamê mekteba siyasî ya Partiya Demukrata Kurdistan a Sûriyê(PDK-S) Muhsin Tahir di hevpeyvînekê de li gel Dengê Amerîka ev babet şîrove kir û got:
“Rêjîma Sûrî ne tene naxwaze Astana biserkeve, belê ew astengiyan jê re datîne. Îran jî her wiha nakokî li gel Rûsya hene ji ber nêzîkbûna Rûsya û Tirkiyê.“
Tahir ku li bajarê Qamişlo dimîne behsa helwesta Encûmena Niştimanî ya Kurdî li Sûriyê kir li dor beşdarbûna wan di van axaftinan de û got helwesta Encûmenê ewe ku di her kombûneke navnetewî de beşdar be.
Ji bo guhdarîkirina li hevpeyvînê faylê deng veke
