Wezîrê derve yê Rûsya Sergei Lavrov dibêje hikûmeta Sûrî kombûnan li gel opozisyonê li dar dixe wek amadekarî ji bo axaftinên pêşbîn li bajarê Asîtana yê Kazaxistanê.
Lê desteya bilind a guftûgoyan li ser zimanê endamê wê George Sabra dibêje wan çi agahî nînin li dor kombûnan.
Desteya Bilind a ku sala borî li Erebistana Saudî hate damezrandin, ew di nava xwe de hin gurûpên opozisyona Sûrî vedihewîne ku Rûsya û rêjîma Sûrî wan terorîst dibînin.
Eger desteya Bilind ji van kombûnan ne agahdare, gelo kî ne aliyên tevlî kombûnên li gel hikûmetê dibin.
Rewşa Kurdan di van kombûnan de çiye û ta kîjan astê ew tên dîtin wek beşek ji opozisyona Sûrî.
Tevgera Kurdî çawa dikare li hedrû aliyên kirîza Sûrî niwêneratiya Xelkê Kurd Bike.
Bernameya Hest û Helwest bi beşdarbûna sê mîvanan ronî dide ser van babetan:
Şepal Îbrahîm: Endamê Rêxistina Niştimanî ya Ciwanên Kurd (SOZ) ku li Almanya dimîne, Şêrwan Îbrahîm: Şîrovekarê Siyasî ku li herêma Kurdistana Îraqê dimîne, û Kadar Pîrê: Rêvebirê Rêxistina Kurd bê Sînor ku li Frensa dimîne,
Ji bo guhdarîkirina li bernameyê faylê deng veke.
