Berî du rojan, komek çekdarên Daiş derbasî gundekî bajarê Kobaniyê bûn û jimarek welatiyên sivîl kuştin.
Gundê Sêgolê yê başûrê bajarokê Sirînê, ew yek ji gundên Sînorî ye di navbera Hêzên Sûriya Demuqrat û çekdarên Daiş de.
Cîgirê berê yê serokê desteya derve ya kantona Kobaniyê û şîrovekarê siyasî Idrîs Nassan, di hevpeyvînekê de li gel Dengê Amerîka ronî da ser vê bûyerê û got:
“Her ku Daiş bêhtir tê dorpêçkirin li aliyê bajarê Minbijê, ew hewil dide êrîşî deverên din bikin ji bo rakirina wê kontrol û dorpêçkirinê. “
Nassan ku li bajarê Kobaniyê dimîne bal kişand ser metirsiyên xelkê gundên derdorê û diyar kir ku ew bixwe berevaniya xwe dikin di çarçoweya hêzekê de bi navê Hêzên Cewherî.
Ji bo guhdarîkirina li hevpeyvînê faylê deng veke
