Serokê Encûmena Niştimanî ya Kurdî li Sûriyê Îbrahîm Biro îroj Pêncşemê ji aliyê serokê Herêma Kurdistana Îraqê, Mesûd Barzanî ve hate pêşwazîkirin û hin babetên girêdayî bi rewşa Kurdên Sûriyê di kombûna wan de hatin guftûgokirin.
Biro di hevpeyvînekê de li gel Dengê Amerîka ronî da ser vê kombûnê û got:
“Xala sereke ya kombûnê ew bû konferansa Cinêvê û beşdarbûna ENKS têde wek beşek ji opozisyona Sûrî. Me her wiha behsa rewşa Sûriyê bi giştî û Kurdistana Sûriyê bi taybetî kir.“
Biro di dirêjiya axaftina xwe de bal kişand ser nûnertiya Kurdan li Cinêv û ragihand ku ENKS li wir dikare nûnertiya Kurdan bike.
Ji bo guhdarîkirina li hevpeyvînê faylê deng veke
