Hikûmeta Sûriyê doh şemiyê amadebûna xwe ragihand li dor beşdarbûna di guftûgoyên aştiyê de li Cinêvê vê mehê, lê wezîrê derve Welîd el-Muelim gotibû divê ew lîsta alî û gurûpên opozisyonê binînin ka terorîst di nav wan de hene an na.
Nivîskar û şîrovekarê siyasî Hiznî Geddo di hevpeyvînekê de li gel Dengê Amerîka behsa vê babetê kir û got:
“Ez bawerim lîsteya Terorê li Sûriyê lîsteyeke dirêje. Herçendî rêjîm gelek aliyan terorîst dibîne lê ew lîste çawa be jî dê rêjîm biçe Cinêvê. Rêjîm dixwaze ji cîhanê re diyar bike ku ew alîgirê çereseriyê ne li Sûriyê. “
Geddo ku Erebistana Siudî dimîne bal kişand ser bandora nakokiyên Erebistana Siudî û Îranê li ser rewşa Sûriyê û ew wek bandoreke mezin anî ziman.
Ji bo guhdarîkirina li hevpeyvînê faylê deng veke
