Rêxistina Amnesty International îro Çarşemê di raporteke xwe ya nû de rexneyên xwe li Rûsya dubare kirin û got êrîşên wê yên esmanî bi kêmanî 200 kes li parêzgehên Hums, Îdlib û Helebê kuştin.
Amnesty got êrîşan li malan û nexweşxaneyan dan ku çi çekdar li derdora wan nebûn, li gor lêkolînên wê.
Parêzerê Kurdê Sûrî Ebdella Îmam di hevpeyvînekê de li gel Dengê Amerîka ronî da ser vê babetê û got:
“Ji dema Rûsya bi hêzên xwe yên leşkerî derbasî Sûriyê bûyî ve, êrîşên wan û bumbebarana wan berdewamiya êrîşên rêjîma Esed in û ew xelkê sivîl ji bo xwe dike armanc. “
Li dor hewlên navnetewî yên destpêkirina piroseyeke aştiyê li Sûriyê û biryara Neteweyên Yekgirtî di vê derbarê de Îmam ragihand ku ew di rewşeke wiha şer û kuştinê de bi sernakevin.
Ji bo guhdarîkirina li hevpeyvînê faylê deng veke
