Koalisyona Niştimanî ya hêzên Opozisyona Sûrî, Rûsya tawanbar dike bi bombekirina baregehên hêzên nermerê, li parêzgehên Idlib, Hema ,Hums û taxa el-Ghûta li Dîmeşqa paytext.
Endamê Koalisyonê rêzdar Mihemed Mele Reşîd, di hevpeyvînekê de li gel Dengê Amerîka ev babet ronî kir û got:
“Em wek koalisyon hebûna Rûsya li Sûrî wek dagîrkirin bi nav dikin. Rûsya di êrîşên xwe de Daiş ji xwe re nake armanc, belê ew tenê li şûnên hêzên nermerê dide.”
Mele Reşîd ku li Tirkîyê dimîne, dibêje Rûsya bi destêwerdana xwe, dixwaze berjewendiyên xwe yên herêmî biparêze, ne ku şerê terorê bike.
Ji bo guhdarîkirina li hevpeyvînê faylê deng veke
