Li bajarokê Sirîn yê girêdayî bi Kobaniyê ve, șer di navbera hêza volkana Ferat û Daiș de berdewam e. șervanên Kurd, ku beșdarin di vî șerî de, ew hewil didin Daiș li wir têk bibin û hêza wê lawaz bikin da ku nehêlin ew careke din derbasî bajarê Kobaniyê bin.
Hevserokê TEV-DEM li Kobaniyê rêzdar Ehmed Șêxo, ji Dengê Amerîka re rewșa șerê li wir șîrove kir û got:
“Heçendî piraniya xelkê bajarokê Sirînê Ereb in, lê ew girêdayî bi Kobaniyê ve û gelek gundên derdorê yên Kurdan in, loma rizgarkirina Sirînê ji Daiș pêdiviyek e. Eger ew neyê rigarkirina șervanên Kurd wê nikaribin derbasî milê rojavayê çemê Ferat bin.”
Șêxo ku niha li Kobaniyê dimîne bal kișand ser rewșa xelkê sivîl li wir û dupat kir ku armanca șerê dijî Daiş ewe rizgarkirina xelkê sivîl ji zor û desthelata vê gurûpa terorîst.
Ji bo guhdarîkirina li hevpeyvînê, faylê deng veke.
