Rêveberiya xweser li Kobaniyê kampek li rojavayê Bajêr bi navê Miștenûr durist kir û dergehên wî bi awakî fermî ji penaberên Kobaniyê yên vedigerin re vekir.
Cîgirê serokê kantona Kobaniyê rêzdar Xalid Berkel, ji Dengê Amerîka re rewșa vê kampê șîrove kir û got:
“Çavdêriya vê kampê ji aliyê desteya karûbarên civakî û saziya hawar û geșkirinê ve dibe. Herçendî derfetên mezin û pêdiviyên jiyanê li Kobaniyê kêmin, lê em hewil didin li gor șiyanên xwe xizmeta xelkê bikin. Jimara penaberan di vê kampê de kême û em bi hêvî ne di demên pêș de bilindtir bibe.”
Rêzdar Berkel, herwiha bal kișand ser giringiya ku hemî rêxistin û dezgehên xêrxwazî alîkariya xelkê Kobaniyê bikin da ku di demeke nêzîk de vegerin bajarê xwe.
Ji bo guhdarîkirina li hevpeyvînê, faylê deng veke.
