Îroj yekșemê, șer li parêzgeha Hesekê di navbera șervanên Kurd û çekdarên Daiș de berdewam e piștî rizgarkirina hindek gundên din ji bin destê Daiș li Serê Kaniyê.
Hevserokê TEV-DEM rêzdar Ebdulselam Ehmed, ji dengê Amerîka re rewșa niha ya șer șîrove kir û got:
“Rizgarkirina çiyayê Ebdulezîz yê stratîcî di çend rojên berê de, bandora xwe li șer zor bû, çimkî ewê bibe bendekî xweristî li pêș derbasbûna çekdarên Daiș bo herêma Cizîrê ku hewil didin bi hemî hêza xwe tiștekî bi dest xin lê her têk diçin.”
Ahmad ku niha li bajarê Qamișlo dimîne, bal kișand ser hewildanên șervanên Kurd ji bo vekirina korîdorekî di navbera herdû kantonên Cizîrê û Kobaniyê de û ew wek armanceke girîng nirxand.
Ji bo guhdarîkirina li hevpeyvîne, faylê deng veke
