Rawêjkarî û guhdarîkirina li nerînên ciyawaz di derbarê rewșa Sûrî de li Cinêvê berdewam in, piștî destpêșxeriya șandê Neteweyên Yekbûyî Stiffen De Mistura ji bo komkirina aliyê Sûrî û hewildana dîtina çareyekê ji pirsgirêka Sûriyê re.
Endamê mekteba siyasî ya Partiya Demuqrata Kurdistana Sûriyê (PDK-S) û berpirsê wê li Ewropa rêzdar Kamîran Haco, ji Dengê Amerîka re ev babeta șîrove kir û got:
“Em wek ENKS hîn nehatine vexwendin bo van rawêjkariyan. Emê biçin û nerîna xwe bidin eger em bên vexwendin, lê ez bi xwe ne geșbîn im ku rêzdar De Mistura karibe tiștekî bike ji bo Sûriyê.”
Haco ku niha li Almanya dimîne, ragihand ku șerê Sûriyê ji destê xelk û aliyên Sûriyê derketiye û ew roja îro di nav lepên hêzên navnetewî de ye.
Ji bo guhdarîkirina li hevpeyvînê, faylê deng veke
