Artêşa Tirk di saetên şeva do Çarşemê de bi dijwarî gundê Aqîbê li nahya Şêrewa ya Efrînê topbaran kir.
Îsa Sîdo
Di encama vê topbaranê de ku di nava kolan û xanîyan de ketin, zerarên madî di mal û milkê şênîyan de çêbûn.
Gundîyê bi navê Îsa Sîdo ku zarar dîtiye qala topbaranê kir:
“Em li malê rûnştîbûn, ji nişkeve topbaranê destpê kir, topek li erebeya min ket û agir pê ket, jiber dijwarîya topbaranê me nikanîbû derkevin agir vemirînin”.
Topbarana artêşa Tirk ku bi berdewamî gundên nahîya Şêrewa dike armanc bûye cihê nerazîbûna şênîyan û derbiderên ji Efrînê ku, lê bi cîh bûne çimkî jîyana wan dixe metirsîyê, zevîyan dişewtîne û erzaqên wan têk dibe.
Jiber vê rewşê xelkê deverê û derbiderên lê dimînin bi tirs û gazinc in û dixwazin dawî li van êrîş û gefên Tirkîyê were da ku careke din koçber nebin.
Hêjayî bi bîr xistinê ye artêşa Tirk ji meha çûyî de armanckirina gund û deverên li herêma Şehba û nahîya Şêrewa zêde kiriye ku rojane bê navber topbaran dike.
Your browser doesn’t support HTML5
NR_05_26_2022_Topbaran_Şêrewa