Kovara Maz Êst, bi zaravayê Kurdî ya Kirdkî (Zazakî, Dimilkî, Kurmanckî) cara yekê di sala 2019’an de di bin serokatîya Torî Hola ji hêla tîmekê ve hate weşandin.
Heta niha 8 hejmarên Maz Êst hatine weşandin.
Li gor edîtorê Maz Êst’ê Torî Hola, ji ber sîstema Tirkîyê ya li hember zimanê Kurdî, zaravayê Zazakî li gor zaravayê Kurmancî bêtir li jêr xetereyê ye û ber bi hindabûnê ve diçe.
Navê kovarê wek dijî derketina vê sîstemê û îsbatkirina zaravayê Zazakî xwe dide pêş. Jiber vê jî xebatkarên vê kovarê dibêjin “Maz Êst” anku “Em jî Hene.”
Li gor hin lêkolînan, di dîroka mirovahîyê de bêtirî 30 hezar ziman li cîhanê peyda bûne û ji wan zêdetirî 20 hezar ziman hinda bûne.
Zimanzan dibêjin ku zaravayê Zazakî jî di bin xeterîya windabûnê de ye. Torî Hola, him derbarê helwesta Tirkîyê û him jî derbarê vê xetereya ser zaravaya Zazakî ji Dengê Amerîka re axivî.
“Di nav sîstema Tirkîyê hewildanek heye ku Zazayan, ne Kurdî, nîşan bidin û zaravayî Zazakî jî dûrî Kurdî dîyar bikin. Ev propaganda hîn jî tê meşandin. Me jî xwest ku em vê yekê pûç bikin û bêjin Maz Êst (Em Jî Hene) û em Kurd in. Lê li vê derê dixwazim tiştekî din jî bêjim, Zazakî aniha di bin xeterîya windabûnê de ye. Bi vê kovarê armanca me ew e ku rê li ber vê xeterê bigirin.”
Di tîma Mas Êst de akademîsyen, xwendevan, karker, ku ji 8 kesan pêk hatine, xebatkarên ji dil kar dikin.
Navenda Maz Êst’ê li Fransayê ye û hemû amadekarîyên kovarê li wê derê tê kirin, lê weşana wê li Çewlikê (Bîngol) ye.
Piştî ku tê weşandin, Çewlik di serî de, ew li Amed, Dêrsim, Colemêrg, Wan, Batman, Şirnax û hin bajarên din yên Kurdan tê belavkirin. Wekî din, li bajarên Tirkîyê wek Tekîrdag, Mugla û hin bajarên din jî tê belavkirin.
Maz Êst piştî ku li Çewlikê çap dibe li ser xeta kargoyê diçe Ewrupa; wek Fransa, Hollanda, Almanya, Brîtanya û hin welatên din. Torî Hola vê yekê jî wiha radigîhîne:
“Em amadekarîya kovarê li Fransayê dikin, lê li Çewlikê çapdikin. Di karim bêjim ku milekî wî li Kurdistanê milekî din jî li Ewrupa ye.”
Di naveroka Maz Êst’ê de astrolojî, fîzya, dîrok, zanist, aborî, bûyerên rojane, sîyaset û her wekî din mijar cî digirin. Torî Hola radigîhîne ku di hejmarên bê wan armanc kirîye ku bi zazakî cîh bidin gotûbêjên felsefî.
Torî Hola (Abdullah Çelîk) Kî Ye?
Ew li herêm Kurdan li bajarê Çewlikê (Çolikê-Bîngolê) ji dayîk bûye. Dibistana serate û navendî li Çewlikê, lîse li Xarpêtê xilas kirîye. Zanko di pola duduyan de berdaye û li ber hin egeran derketîye Ewrupa. Eva 20 sal in ku li Fransayê dijî. Ew hêleke de jibo debara xwe dixebite di hêla din de jî karê Maz Êst’ê bi tîma xwe re bidilî bi rêve dibe.
Têbînî: Raporta deng bi Zazakî ye.
Your browser doesn’t support HTML5
ED_10_01_2024_Maz_Est_Tori_Hola