Meclisa Gel ya Rojavayê Kurdistanê (MGRK) û Encumena Nîştîmanî ya Kurd li Sûrîyê (ENKS) di encama civînên li Hewlêrê de li ser jimareke mijarên girîng li hev kirin.
Di nav xalên lihevkirî de Kongreya Cenevre ya 2 cîhekî pir girîng digire. Her du meclîs biryar da ku bi şandeyeke serbixwe, wek Kurd beşdarî Cenevre bibin.
Di hevpeyvîna Dengê Amerîka de Xerîb Huso, endamê şandeya MGRK agahîyan li ser vê qayilbûnê dide.
Birêz Huso dibêje, wan ji cîhan gîş re nîşan daye ku Kurd dikanin di mijarên girîng de werin ba hev.
"Ew rêkeftin gaveke dîrokî ye. Kurd bi yek dengî helwesta xwe dîyar dikin. Divê di Konferansa Cenevre de Kurd hebin. Eger hebûna Kurdan nayê webûl kirin, hîngê emê dengê xwe bi rêkên cuda nerasîbûna xwe nîşan bidin.
