Serokê Amerîka Donald Trump îro Pêncşemê got ku bi bawerîya wî Çîn dixwaze ku ew di hilbijartina seroktîyê de serketî nebe.
“Rêvebirina peyvajoya pandemîya vîrusa korona ji alîyê Pekînê îsbat e ku ewê hemî tiştên pêkan bikin ku ezê di hilbijartina Mijdarê de careke din neyêm hilbijartin.”
Serok Trump di hevpeyvîna taybet ya Reutersê de got ku ew derheqa rûbirûkirina kiryarên Çînê yên rêvebirina belavbûna koronayê li rêkên curbicur dinêre û li pêş wî gelek bijare hene.
Serokê Amerîka yê Komarî ku pir caran dibe armanca rexneyan ku di pêşgirtina korona de karîger nebûye, dubar ekir ku divêbû Çîn derbarê vîrusa korona civata nevnetewî zûtir agahdar bikira.
Wezareta Derve ya Çînê ji Reutersê re got ku ti armanca wan tune ku xwe tev li hilbijartinên Amerîkî bikin.