Berdevkê Serokomarîya Tirkîyê: Ti Peyvajoya Çareserîyê Tune

Berdevkê Serokomarîya Tirkîyê Îbrahîm Kalın dîyar kir ku di rojeva serokomarê wî welatî Recep Tayyîp Erdogan de ti peyvajoya çareserîyê tune ye.

Şîretvanê Pêş yê Serokomarîyê Îlknur Çevîk dabû zanîn ku dibe ku piştî hilbijartinê peyvajoyeke çareserîyê destpê bike.

Kalin bi daxuyanîyeke nivîskî ragihand ku Erdogan, di dema serokwezîrî û serokomarîya xwe de bo wekhevîyê ‘’têkoşîneke mezin’’ kiriye.

‘’Birayên me yên Kurd jî wek herkesî hemwelatîyên wekhev yên Tirkîyê ne. Siyasetên red û asîmîlasyonê di dema rêberîya Erdogan de hatine rakirin’’ Kalin got.

Kalin bi berdewamî da zanîn ku ewê têkoşîna xwe ya dijî Partîya Karkerên Kurdistan (PKK) bidomînin.