Wezîrê Derve yê Amerîka Rex Tillerson, ser rizgarkirina Reqa, Hêzên Sûrîya Demokratîk (HSD) pîroz kir.
Tillerson bi daxuyanîyeke nivîskî ragihand ku HSD’ê, gelê Sûrîyê û Koalîsyona Ereb ya Sûrîyê, jiber rizgarkirina Reqa pîroz dike.
‘’Karê me hîn neqediyaye, lê sitandina Reqa ji Dewleta Îslamî (DAIŞ) gavekî girîng e û ew serketinên têkoşîna navneteweyî û ya di nav Sûrîyê de nîşa dide’’ Tillerson got.
Tillerson da zanîn ku dê li Reqa konseyeke sîvîl were ava kirin û ewê bajar bi destê vê konseyê were birêve birin.
DAIŞ di sala 2014’an de kontrola Reqa bi dest xistibû. HSD’ê bi piştgirîya Amerîka, bi operasoyonên ku 4 meh dom kirin, DAIŞ li Reqa têk bir.
