Hin dezgehên ragihandinê îdîa kiribûn ku li bajarokê Til Birak kesên sîvîl ji alîyê Yekîneyên Parastina Gel (YPG) ve hatibûn kuştin.
Jibo dîtina rewşa heyî li wî bajarokî şandeyeke sîyasetvan û rojnamevanên hêrêmê çûn til Birak.
Di hevpeyvîna Dengê Amerîka de Abdulselam Ahmed, Hevserokê Meclîsa Gel ya Rojavayê Kurdistanê (MGRK) li ser wê serdanê dixife û çavdêrîyên xwe ligel me parve dike.
Birêz Ahmed dibêje, piştî zîyareta wan eşkere bû ku ti qatlîam li Til Birak çênebûne û nûçeyên wî rengî bi mebest têne weşandin.
"Hin alîyên wek Orient TV çavnebar in ku herêmên Kurdan aram in û wek tevahîya Sûrîyê wêran nebûne. Loma jî dixwazin bi nûçeyên derew şerekî nav Kurdan û Ereban derxin."
