Li Herêma Kurdistana Îraqê îro Duşemê li jimareke bajar û bajarokan xwepêşandanên dijî hikûmetê berdewam dikin.
Di xwepêşandanên li Silêmanî de bi hezaran kes, jiber wernegirtina muçeyan û tunebûna xizmetên giştî herikîn kolanan.
Your browser doesn’t support HTML5
Xwepêşandanên Dijî Hikûmetê li Silêmanî
Nûçehgîhanê me Dilşad Enwer ji Silêmanî ev dîmenên nû ji xwepêşandanên girseyî şandine:
Televîzyona NRT ragihand ku hêzên ewlekarî li Silêmanî gazên rondikrêj bi kar anîn ku xwepêşander ji hevdu cihê bikin û jimareke kes di encamê de birîndar bûn.
Bilî Silêmanî, li Kalar, Ranya, Taqtaq,Çemçeamal, Koye, Rewanduz, Halabce, Said Sadiq û Qaladize û herwiha li taxên Taqiya, Sengeser û Pîramagrûn jî xwepêşandanên girseyî yênj dijî hikûmetê didomin.
Li Pîramagrûn ofîsên Partîya Demorkata Kurdistanê (PDK), Yekîtîya Niştîmanî ya Kurdistanê (YNK), Tevgera Goran, Komala Îslamî ya Kurdistanê û Yekgirtîya Îslamî ya Kurdistanê hatin şewitandin.