Zimanê kurdî bi hemû devok û zaravên xwe, karîbû xwe ji wendakirinê û bişaftinên rizgar bike. lê belê ji ber rewşa kurdan ya siyasî û ne aram , ev ziman jî ketiye bin vê bandorê û ji ber vê yekê hîna nebûye zimanê akadimî û perwedehiyê û rêz û rêbazên wê hîna baş bi cî nebûye. Lê belê xebatên bê hempa dibin da ku ev ziman têkeve nav lêkolênên akadimî û zanistî û yek ji wan kesên ser vê xebatê kar dike lêkoler û nivîskar Dr. Safiya Zivingî ye.
Dr. Safiya li bajarê Qamişlo ji dayik bûye û di zaroktiya xwe de tevî malbatê diçin bajarê Helebê û li wir xwendin û perwerdiya xwe bi dawî dike li zanîngeha Helebê beşê ziman û wêjeya Erebî.
Wê xwendina xwe berdewam kir ta ku PHD di warê zimanansiyê de li zanîngeha helebê wergirt di sala 2007an de.
Di xebatên xwe de di warê zimannasiyê de, gellek karên cuda kiriye wek mamostatiyê li zanîngehên sûrî û li kurdistanê Iraqê jî û ji aliyê din jî gellek lêkolînê di vî warê de bi zimanê erebî weşandiye.
Hezkirina wê ji ziman û wêjeya kurdî hişt ku ew berê xwe bide lêkolînên ser zimanê kurdî , di warê zimannasiyê de û ferhengsaziyê de wê çend pirtûk û klêkolînên bi zimanê Erebî û ingilîzî nivîsand û belavkiriye.
Ew nuha li Hewlêrê dijî û li wir ser lêkolên xwe yên di warê zimanê kurdî de kar dike û çend pirtûkên wê yên bi kurdî hene lê belê ne hatine çapkirin û ew hewil dide ku wan nêzîk belav bike.
Baweriya bi zengîniya zimanê kurdî pirr tê û dibêje û zimanekî zindî ye lê belê karên akadimî li ser wê baş nebûye û bi taybetî di warê ferhengsaziyê de.
Your browser doesn’t support HTML5
Deng u Reng- safiya zivingi_Mon-3-8-2021-LA