Rêkêş Amêdî yek ji komkarên folklor û kultora Kurdî ye ku li Duhokê dijî. Amêdî 42 sal in ku vî karî dike û keda xwe ya salên dirêj di pirtûkekê de civand.
Pirtûka Amêdî ji 1156 rûpelan pêk tê û tê de hêşt hezar gotinên mezinan û şîroveya wan gotinan cîh digirin.
“Mixabin ta îro gelê me buhayê komkirina folklor û kultora xwe nizane, loma jî ti kes piştgirî nake. Min bo nivisîna vê pirtûkê 42 sal dan û gelek westîyam, lê tenê parêzgarê Duhokê hinek alîkarî da me.”
Folklorzan Edîb Ebdula jî dibêje ku ev berhem samaneke netewî ye û nasnama netewa Kurd e û girîng e nifşên nû agahî li ser van gotinan û folklora xwe hebe.
Your browser doesn’t support HTML5
SB_07_19_2019_Rêkeş_Amêdî