Wezareta Berevanî ya Rûsya ragihand ku Wezîrê Cengê yê DAIŞ'ê Gulmurod Khalimov û Emîrê Dêrezorê Ebû Muhamed el-Şîmalî hatine kuştin.
Wezaretê, ji Facebookê da zanîn ku di bombebarana hêzên Rûs de, 4 rêvebirên payabilind û li dora 40 çekdarên din li nêzî Dêrezorê hatine kuştin.
Khalîmov, heta 2015'an rêvebirê hêzên taybet yên polîsên Tacîkîstanê bû û piştî wê di vîdeoyên DAIŞ'ê de xuya bûbû.
Artêşa Sûrîyê, bi piştgirîya Rûsya vê hefteyê dorpêça DAIŞ'ê ya li Dêrezorê, ku ji 2014'an vir ve didome, şikandibû.