Zêdetirî 50 sivîl îro roja Yekşemê ji kargehên pola Azovstal ya bajarê Mariupolê di konvoyeka bi wesayitên bi sembolên Neteweyên Yekgirtî ve hatin derxistin, û ew yek nîşan dide ku peymanek heye ji bo sivikkirina dorpêça herî wêranker di şerê Rûsya û Ukraynayê da.
Dorpêkirina Mariupolê, ku hêzên Rûsî û Ukraynî ev nêzîkî du mehan e tê da şer dikin, bajarê benderê wêran kirîye û hêjmara miriyan nahêt zanîn û bi hezaran kes jî hewl didin bê xwarin û vexwarin û paqijîyê bijîn.
Bajar di bin kontrola Rûsyayê de ye, lê hinek şervan û sivîl di nav kargeha Azovstal da asê mane, ku kargehek mezin e û di serdema Sovyetê da di dema Josef Stalin da hatibû damezrandin û bi jêrzemîn, stargeh û tunelan ve hatîye çêkirin da ku li hember êrîşan xwe biparêzin.
