Şervanên Yekîneyên Parastina Gel (YPG) li taxa Şêx Maqsud ya Helebê, Gulan 9, 2013
Di hevpeyvîna Pişka Kurdî ya Dengê Amerîka de nivîskar û pisporê Rojhilata Navîn Mustefa Reşîd pevçûnên li Efrînê şîrove dike.
Birêz Reşîd dibêje, Kurd cîh û warên xwe ji wan kesan re vekirin ku şer û xunrijandinê revîn. Lê, ew nîyetpaqijîya wan ji wan re dibe problem.
Reşîd îdîa dike ku hinek ji wan kesan xwedîyê planên cihê ne bi alîkarîya hin Kurdan dixwazin aramîya herêmê têk bidin û şerî Kurdan bikin.
Mustefa Reşîd herwiha dibêje, ew grubên Selefî ji rejîma Esed jî xirabtir in û naxwazin Kurd mafê xwe bistînin.
Nivîskar Reşîd dîyar dike ku divê Kurd cudabîrîyên xwe bihêlin alîyekî û li ser mijarên hevbeş yekdengîya xwe bilind bikin û piştgirî bidin Desteya Bilind a Kurdî.