Koalîsyona bi pêşengîya Amerîka ragihand hêzên Îraqî yên bi hêzên Sûrîyê re hevkarîyê dikin, 5 rêberên payabilind yên Dewleta Îslamî (DAIŞ) girtine.
Berdevkê Koalîsyonê Ryan Dillon dîyar kir ku bi girtina 5 rêber DAIŞ’ê derbeyeke mezin xwarîye.
Çekdarên DAIŞ’ê piştî ku li Îraqê têk çûn, hewil didin ku li Sûrîyê nêzî sînorê Îraqê li ber xwe bidin.
Koalîsyona bi pêşengîya Amerîka, dijî DAIŞ’ê piştgirîya hêzên Îraqê û Hêzên Sûrîya Demokratîk (HSD) dike.
Donald Trump jî bi tweetekê da zanîn ku 5 çekdarên DAIŞ’ê yên hatine girtin rêberên payabilind in, lê navên wan neda.
