Yekîtîya Ragihandina Azad (YRA) bi sedema salvegera 124’an ya Roja Rojnamegerîya Kurdî li bajarê Qamişlo şahiyeke dar xist û xelat da 8 rojnamevanên Kurd yên li Bakur û Rojhilata Sûrîyê .
Hevserokên Yekîtîya Ragihandina Azad, Evîn Yûsif û Bangîn Seydo di şahiyê Roja Rojnamegeriya Kurdî pîroz kirin ser û ser girîngîya rojnamevanîyê axifîn.
Evîn Yûsif û Bangîn Seydo bang li rojnemvanan kirin ku nirxên ragihandina azad biparêzin û erkên xwe bê alî pêk bînin.
8 rojnamevenên ku hatine xelat kirin ji alîyê komîteyekê jibo ked û xebatên wan yên di warê rojnamegerîyê, hatine bijartin.
Piştî axaftinan Evîn Yûsif û Bangîn Seydo xelat belav kirin.
Hevserokê Yekitiya Ragihandina Azad, Bangîn Seydo
Bangîn Seydo di derbarê rewşa rojnamevanîyê li bakur û rojhilata Sûrîyê ji Dengê Amerîka re diyar kir ku tevî hemû hewldanan, rewşa giştî ya medya û ragihandinê hîn di qonaxên destpêkê de ne.
Seydo herwiha destnîşan kir ku ew jibo ragihandineke azad û gotareke azad xebat dikin.
Hejayê gotinê ye ku bi giştî 300 rojnemavan û sazîyên ragihandinê yên Bakur û Rojhilata Sûrîyê, endamên Yekîtîya Ragihandina Azad in.
Li bakur û rojhilata Sûrîyê 104 dezgehên ragihandinê û navendên lêkolînê hene û her wiha 1153 karmend di warê ragihandinê de kar dikin .
Hun dikarin tevahîya raportê ji ser lînka jêrîn guhdar bikin.
Your browser doesn’t support HTML5
Li Qamislo Merasîma Xelatên Roja Rojnamegerîya Kurdî Hatin Belav Kirin